Hottie

Jólin liðu á ofsahraða, eins og þeim yrði borgað fyrir það eitt að vera sérstaklega snögg, en á Viggó Viðutan brunaði blendingsparið yfir heiðina, og ástmaðurinn mataði ástkonuna á mandarínum með berkinum á þangað til þau runnu í hlað á prestssetrinu klukkan sex og fengu sér jólasturtu og höfðu aldrei litið hvort annað fegurra en á jólafötunum. Hamborgarahryggurinn hafði aldrei verið jafngóður, hvað þá Waldrofsalataið eða möndlugrauturinn, og gjafirnar voru allar góðar og fallegar og söngurinn í kirkjunni líka, þótt hringjarinn væri veikur. Jóladagurinn var sömuleiðis góður og fagur, þótt þau ræddu að slíta sambandinu, hún fór í messu og hann bjó til kakó og öll fjölskydan sameinaðist yfir ættarstellinu fagra og úðaði í sig sætabrauði og lummum með kakóinu fína. Hún spilaði nokkur jólalög á píanóið og svo fóru þau saman í húsin og gáfu fénu og hænsnunum og hundurinn gelti á músina sem hljóp hljóðlaust meðfram veggjum. Frostið var svo mikið að það var varla hægt að ganga í loftinu og kvöldinu eyddu þau í fíflalátum með systkinunum fyrir framan sjónvarpið, bæði komin með harðlífi af hangikjötsáti.
Hún fór í vinnunna á annan dag jóla og hann varð eftir í jólaboðinu með ættingjunum góðu og daginn eftir fóru þau í sundlaug fótgangandi alla leið austur í Laugardal.
Og núna er hún búin að kaupa sér áramótadress fyrir partýið í London annað kvöld og heimsóknina til tengdamömmu í París á nýjársdag! Ó mæ gad!

Væmin ástarþorláksþrá

Eftir fjóra og hálfan tíma verðum við Victor sameinuð á ný!!!!!!

Einmitt sem mig vantaði.. svona smá til að minna mig á hvernig jólin voru í Bandaríkjunum í fyrra.. Oh my gosh it's already a year!

PARTÝ!

Partý hjá mér á morgun krakkar mínir! komiði endilega.. býð upp á popp...

Auglýsing menntamálaráðuneytisins um greinamerkjasetningu.

Þetta hérna er ótrúlega skemmtilegt aflestrar.

nei, annars, þetta var einmitt dæmi um sýndar i-hljóðvarp sem getur blekkt mann, rétt er að þarna veldur u hljóðvarpinu eða a??... hm... sem sagt trugilaR...eða eitthvað..

Hei, dæmi um i-hljóðvarp er trygill > trog. Ætli flygill muni þá verða ,,flog"? ,,Ekkert smá gott flog í þessum sal maður!"

Svona lítur klofning út..

Færið músina á ugluna..

Klofning (no. brytning, e. breaking)

Það er ekkert eins dásamlegt og að byrja í prófum og á túr á sama tíma.

Language, Sex, and Gender

A businessman is agressive; a businesswoman is pushy. A businessman is good on details; she's picky....He follows through; she doesn't know when to quit. He stands firm; she's hard....His judgements are her prejudices. He is a man of the world; she's been around. He isn't afraid to say what is on his mind; she's mouthy. He excercises authority diligently; she's power mad. He's closemouthed; she's secretive. He climbed the ladder of success; she slept her way to the top.

From: "How to Tell a Businessman from a Businesswoman," Graduate School of Management, UCLA, The Balloon XXII, (6)

Árnagarður-Þjóðarbókhlaða

Ég veit ekki hvort ég meika að labba út í Bókhlöðu, ég meina það...
Læri læri tækifæri

101 Lögberg

Samviskubitatímabilið er runnið upp.
Samviksubitarnir hrannast upp í samvisku minni eins og súkkulaðibitar í smáköku.
Í fyrsta lagi tókst mér ekki að láta hana Hrefnu vita að ég kæmist ekki í undirleiktímann í dag klukkan 17 og í öðru lagi lét ég vinnuna ekki vita að mér myndi seinka um 2 tíma... þetta gerði ég allt á síðustu stundu, þ.e. í dag og hlaut illan bifur á sjálfri mér við það.
En þetta hlýzk allt af því að á eftir er aukatími í hljóðkerfisfræði, sem enginn veit almennilega hvað er. Mætti ég þá heldur biðja um líf mitt í baklægri gerð.
Um helgina var ég í maraþonorgelspili og massaði nokkur best of jólalög með 2 kórum á tveimur aðventusamkomum og geri aðrir betur. Ég sem kann ekki einu sinni að spila á orgel! Af því leiðir að ég er alveg uppgefin og var nærri búin að skrópa í þessum hljóðfræðitíma til þess að troða í mig snakki og horfa á video heima hjá Rut og co. Svei.
Á morgun syng ég 2 lög á tónleikum og get svo farið að lesa undir próf. Hefjast þeir klukkan 20 í Skipholti 33 og eru allir velkomnir. (Mín lög fjalla bæði um sorgir og söknuði tveggja kvenna....)

Spurning dagsins

Þekkir einhver mennina á myndinni?
Þessi mynd fannst undir rúmgafli á heimili í Vesturbænum fyrir skömmu. Þeir sem telja sig geta nafngreint mennina á myndina eru vinsamlegast beðnir að hafa samband við undirritaða.

Það er jafn helvíti óforskammað fyrir því

Desemberinn minn.
Eftir því sem verður dimmra úti, verður bjartara inni í húsunum. Þetta segi ég því núorðið þarf ég vart að kveikja á loftljósunum.. seríurnar lýsa mér hvar sem ég er stödd í litlu (jólarottu)holunni.

Í morgun brá ég mér í höllina sundins, en ákvað að vera góð við sjálfan mig og lét líkama minn soðna hægt og rólega úti í hinum stóra og heita potti. Þar var ég ein, en ekki nema í nokkrar mínútur, að gamlir sjómenn og skipstjórar fóru að ræða skattamálin og ýmislegt annað í pottinum góða. Það er alltaf áhugavert að hlusta á samræður annarra..:)
Síðan dembdi ég mér í gufuna og lét gufuna losa eiturefni útúr húð minni með góðum árangri. Þar sem ég gleymdi handklæði heima þurfti ég að þurka mér undir einhverri viftu, það var mjög fyndið, og tókst ekki nema í meðallagi vel.
Eftir það hélt ég heim og fékk mér forláta morgunverð ásamt jólatei, sem ræktað er í Jólalandi (Pays d'ijoule). Einnig splæsti ég á mig flíkum tveim í búðinni B-Young. Eftir að hafa póstlagt bréfkorn til Evrópu tölti ég í skólann og bíð þess tími hefjist, sem ekki verður fyrr en klukkan 13 15.
Frá og með deginum í dag, mun ek rita (og tala) íslensku upp á forna mátann, en það er sumsé samræmd stafsetning forn.
Góðar stundir