"...prjónauppskriftir, Tinna.is"

... alltaf svolítið fyndið þegar hann Atli tekur til máls í útvarpinu.

Tónleikar, tónleikar í Oddakirkju klukkan 20 30 á fimmtudagskvöldið. Oddakirkja.

Endilega mætiði. Það kostar ekki mikið inn og prógrammið er æsiskemmtilegt, Andrár fyrir flautu og píanó, klassísk íslensk sumarsönglög og svo hið frábæra tríó eftir Ilja Hurník. Ég held að þetta verði alveg svakalegt stuð og ég er alveg á fullu að reyna að finna rétta fylgihluti fyrir kjólinn minn. Verst að sjalinkan sem mig langar að kaupa kostar sko 4200, sem er meira en kjóllinn kostaði! Ó mæ god. Fjárhagurinn ekki upp á marga fiska þessa dagana, eftir ótæpilega eyðslu í Stokkhólmi.. Ég legg því til að allir fái sér lítinn bíltúr austur fyrir fjall á fimmtudagskvöldið og fái sér kaffi á kleinu á eftir svo tónlistarmennirnir fái nú örugglega borgað ;)

Annars er letidagur. Desparate housewife dagur. Þarf að þvo ógrynni af þvotti sem hrannaðist upp á meðan ég var úti. Fara í sund. Svo að hitta hana Auði og fá smá þýðingarráðleggingar. Síðan að hitta hann Snorrkó.is! Vei.

Í gær fórum við hjúin út að borða á Kaffi Kúltúre. Ég fékk mér súpu og karfa. Það var ágætt. Á eftir fórum við svo á Dubliners og hittum Slóvakana og eina tékkneska stelpu sem ég hef komist í vinfengi við, hún Vera. Hún vinnur á hóteli hér í miðri borg, eigandinn er fylliraftur og aumingi og hún fær rosalega lítinn pening. Fólk lætur bjóða sér ýmislegt í útlöndum.