Bellywood

e 

Ég er komin með nýtt áhugamál. Bollywood. Reyndar hef ég ekki farið miklum hamförum enn í þessu nýja áhugamáli, nema að hafa hlustað á þriðja þátt þáttaraðarinnar "Töfrar Bollywoodmynda" á Rúv tvisvar sinnum í gærkvöldi. Þá hefur mér áskotanst dvd með bollywoodleikfimi, sem mun vera til þess fallin að koma mér í samt form aftur eftir barnsburð, en ekki hef ég horft á hann enn. Næsta skref er að niðurhala eins mikilli Bollywood-tónlist og ég hugsanlega kemst yfir á næstunni. Já, og kannski væri sniðugt líka að horfa á eina bollymynd í fullri lengd, svona fyrst ég er að lýsa þessu yfir sem áhugamáli.

---

Það er ákaflega róandi að horfa á hrossaflugur elskast.

---

Ég vaknaði í nótt um fjögurleytið og varð ekki svefnsamt aftur. Fór því í sund um leið og opnaði, klukkan sex þrjátíu. Varð vitni að hinu stórkostlega morgunsamfélagi lauganna, og umkringdist menningarvitum og ráðherrum í pottinum, sem voru helst á því að ég æli barnið þar. Svo var þarna kostuleg leikfimi á bakkanum einnig, allt var þetta skemmtilegt og gott að observera í morgunskímunni. Vona samt að ég sofi lengur í nótt..