Hörkugöngur

Góðan morgunn.
Ég var að lesa á heimasíðu Laxár ýmislegt sem tengist veiði. Svona veiðikalla orðaforði er ótrúlega fyndinn og oftar en ekki hef ég orðið vitni af (vitni að, eða af??) háfleygum, jafnvel heimspekilegum samtölum um laxveiði. En núna eru sumsé "hörkugöngur" í einhverri á, og mokast upp á land nýgenginn lax, og "einn og einn 2ja ára" slæðist með. Einnig eru ágætar líkur á að "setja í lax" hér uppí Árbæjarfossi, þar sem um 1800 eða hvað það nú var margir laxar hafa farið í gegnum teljara.
Nýji kokkurinn er rosalegur og hristir fram úr erminni súkkulaðikökur og appelsínufrómasa svona rétt á meðan maður fer á klósettið! Ótrúlegt. En á morgun fer ég í nokkurra daga frí. Áhugasamir hringi í mig.

p.s. Ég er að fara að flytja til London eftir 7 vikur. Trúiði því?