Um dauðans óvissan tíma

Sælinú.
Í dag á að kjósa og hef ég komist að því að mjög líklega er ég alls ekki á kjörskrá, vegna örvæntingarfulls flutnings míns á lögheimili til Danmerkur á síðasta ári. Árinn. Þó að ég hafi gert tilraun til að flytja það aftur heim er ekki víst að það hafi gengur og því þarf ég að gera aðra tilraun. Og mun því eigi kjósa í ár. Ó ó.

Annað er það að frétta að ég fór á Snæfellsnesið og inní Skaftafell og gekk á Nyrðri Hnauk. Það var gaman. Jöklar eru hreint ótrúlega fallegir í góðu veðri.
Á fimmtudaginn kemur svo il mio diletto og verður fram á mánudaginn. Aldeilis gaman hvað ástarlífið gengur vel! Ha! Á dauðanum átti ég von, en ekki kærasta, það eitt segi ég satt.
Annars er andleysið að fara með mig eins og lesa má og held ég svei mér að ég hafi aldrei skrifað leiðinlegri færslu.